校園Guide

十個大學生有六個以上都係酒鬼，劈酒成為咗party或者Reu嘅指定環節，最common一定係玻璃樽啤酒，飲之前用開瓶器開係一定嘅，但尷尬嘅係如果呢個時候身邊無開瓶器，要點樣撬開啤酒蓋，相信係唔少人都遇過嘅情況，真係好不爽。其實身邊周圍都可以係你嘅開瓶器，以下七種免開瓶器開酒方法要記住用黎旁身！

 

第一種方法／竹筷

用竹筷頂住樽蓋邊邊，然後一野向下敲枱，就可以借力開到。

 

第二種方法／皮帶

如果喺室外無交剪，可以用身上嘅皮帶扣當開瓶器咁開。

 

 

第三種方法／酒樽相互撬開

呢個係一個最廣泛嘅方法，用另一支未開過嘅酒樽上下卡住，手掌虎口當做支點，以瓶蓋卡住瓶蓋。

 

第四種方法／枱邊

係一個幾work嘅方法。堅硬嘅枱邊，或者邊角都可以。將樽蓋擺上面，跟住掌心用力重擊瓶口，利用槓桿原理撬開佢。

 

第五種方法／打火機頂開

用打火機開瓶係一個好古老嘅技巧，就係用打火機底部頂開樽蓋。

 

第六種方法／交剪剪鬆

揀一把夠硬淨嘅交剪，同樽蓋保持平行，插進突起嘅地方，慢慢轉圈去剪鬆，直到跌落嚟。

 

第七種方法／交剪卡住

另一個用交剪開酒嘅方法係打開交剪，將樽蓋放喺兩塊刀片中間，卡住佢然後向上用力，即刻可以令樽蓋脫落。