校園Guide

點樣先溝到仔／女？點樣開展話題？一嚟就Flirt?脫獨工程第一篇：小編教你點樣同一個有興趣發展嘅對象開展對話！成功溝到仔女可以payme返小編Thanks。

 

如果大家無傾過偈，未咁快掌握到對方嘅性格係點、鐘意咩類型嘅人等等，可以參考以下小編比嘅suggestion。如果非常了解對方的話，就係用針對性嘅技巧，小編暫且唔喺呢到討論。

 

技巧1／投其所好

要發展關係，首先緊係要開始傾偈先。想人地同你傾偈，一係同對方傾佢有興趣嘅範疇，一係就令人對自己有興趣。要人手，由前者開始，投其所好，搵出令對方傾得開心嘅話題，先觀察對方嘅日常喜好、習慣，通常有一至兩樣特別明顯或者同你有共通，專攻其中一至兩樣開展話題。

觀察地方：

Instagram post同story、Whatsapp status、Facebook post、所有相、電話電腦Wallpaper、衣著⋯⋯

觀察完嘅做法：

例如：對方ig share貓貓

1）ig story見到貓貓就比reaction／reply短句例如「QQ」、「好得意」

2）有交談機會下，先順便同對方傾關於呢個話題例如「黃阿瑪出咗新片，你有無睇？」

注意事項：

1）觀察完之後出招唔好太密，例如覆人ig story，最多隔日覆，甚至試一兩次試水溫先。

2）唔好咁進擊，以免對方當你狗公狗婆或者一眼就睇得出你想溝佢，咁你嘅姿態就會太低。

3）勿把對方神化，大家都係平等

4）唔好無咗自己，投入當下嘅情緒

適用於你同呢位有興趣發展嘅對象係：

【同學】【同事】【唔熟嘅人】

【有／無接觸機會】

【互相知道有對方存在，但並非朋友關係】

【互相有contact，例如電話number、instagram互相follow】

技巧2／投其所好 + Attention seeker

有一個高階少少嘅做法，就係引對方同你傾偈。相近的人彼此之間存在吸引力，當觀察完對方有興趣嘅範疇，就向對方展示你同佢都有共同興趣或者共通點啦。

方法例如：

喺佢面前睇貓貓片、social meida post貓貓

目的係！！引對方主動聊你或者覆你。不過當然，係有機會失敗的。

注意事項：

1）要有耐性

2）不能過份刻意

3）要真係自己同樣感興趣嘅範疇，日後比對方知你無料仲衰

適用於你同呢位有興趣發展嘅對象係：

【同學】【同事】【唔熟嘅人】

【有／無接觸機會】

【互相知道有對方存在，但並非朋友關係】

【互相有contact，例如電話number、instagram互相follow】

 

技巧3／欲情故縱

適用於運用咗技巧1一段時間，即係主動聊對方已經大約兩三個星期，突然停止之前嘅行為，可以令對方意識到你嘅存在，或許會主動同返你傾偈。

注意事項：

1）要有耐性

2）如果對方無行動，咁應該無乜機

適用於你同呢位有興趣發展嘅對象係：

【同學】【同事】【朋友】

【有／無接觸機會】

【互相知道有對方存在，但並非朋友關係】

【互相有contact，例如電話number、instagram互相follow】