校園Guide

過年又係一個放肆地大魚大肉嘅節日！由年三十晚嘅團年飯開始，又蘿蔔糕、芋頭糕、盆菜等，全部高脂高鈉！尤其女仔食完第二朝一定水腫！唔想新年口腫鼻腫見人？即刻睇呢個5步教你消脂消水懶人包！

 

1.起身空肚飲一杯暖水

起身先空肚喝一杯至少500ml暖水，有助帶動體內循環，幫你排走身體積聚嘅毒素。

 

2.臉部按摩

梳洗前先係乾身嘅臉上用天然植物油按摩，由額頭到下巴再到頸後按摩，可以帶走臉上多餘水份，幫你消腫。天然植物油中嘅養份可以幫助喚醒疲倦嘅肌膚。之後先洗臉，就做返平常護膚程序。

 

3.沖個凍水涼

沖個凍水涼，個人都醒神啲。其實凍水涼都有好多好處㗎！凍水涼可以令身體消耗更多能量，幫助消脂！如果你可以冷暖水交替沖涼，短時間個熱脹冷縮下，可以加快血液循環以及毛孔收縮，有助排毒同去水腫。

4.沙律早餐

新年一定大魚大肉，又蘿蔔糕、芋頭糕、盆菜等，大家都應該好有罪惡感，知道要還債食返清淡啲。早餐食沙律係一個唔錯個選擇，如果可以加入青瓜、香蕉、奇異果等擁有去水腫嘅功效個食材就更好了！

 

5.飲齋啡或玉米鬚茶

齋啡絕對係去水腫首選！但係如果唔飲咖啡嘅你，玉米鬚茶其實都係一個唔錯嘅去水腫飲品！