青春無憾：莊trip精選推介之泰國曼谷篇
讀到大學就知道，一年時間眨吓眼就會過。你同你嘅莊員/莊友不知不覺都識咗成年，平時可能只係見到佢哋努力工作好champ嘅一面。就算係約出去莊聚，第二日等緊你嘅可能係補習/part-time/event/mid-term…大家都係苦中作樂，冇時間享受只屬於大家嘅時光… 而最好嘅辦法，就係離開香港去一次莊trip，喺幾日時間入面重新認識你身邊嘅戰友。
喺大學時期同一大班friend去旅行，可以話係只屬於年輕人嘅奢侈，而一次莊trip帶俾你嘅回憶同驚喜，可能遠超你想像。
而今次莊trip誠意推介第一彈先為大家介紹團體旅行嘅平靚正之選 — 泰國曼谷！
-
捐窿捐罅食玩買！
去得泰國點可以唔玩水呀？曼谷市內同附近地帶都有唔少玩水嘅好地方，最受大家歡迎嘅就係去芭堤雅一日遊，甚至過埋夜，享受陽光與海灘之餘，最重要係去親親大自然可以慳翻啲錢去食好西呀！
每支莊總有啲人特別大食，又有啲人係雀仔胃。成大班人一齊去食大餐，可以叫多幾個餸，每樣都試啲！而且曼谷物價較香港平，搵其中一晚去食一餐豪啲啲嘅，都唔過分呀～
位於曼谷河畔嘅泰式料理Supatra River House係其中一個啱曬團體聚餐嘅地方，人均消費最多都係港幣$200左右，睇住靚景食好西，性價比都唔錯㗎！
希望莊trip可以與眾不同嘅同學，可以選擇去吓一啲小眾景點，或者深度遊嘅地方：
- 1. 邦喀造島（Bangkrachao）
- 位於曼谷近郊嘅邦喀造島（Bangkrachao）號稱「曼谷綠肺」，最出名就係島上單車遊，最適合莊員一齊踩住車親親大自然。島上仲有逢週末開放嘅水上市場，可以順便去掃吓街。
2. 瑪哈猜市場
如果莊員們唔介意一齊去遠啲冒吓險的話，可以去曼谷近郊嘅瑪哈猜鐵道市場（Mahachai Market）。除咗賣乾貨濕貨，呢個市場嘅特色就係主打海鮮產品，喺曼谷其他市場好少見，而且去呢到嘅時候仲可以搭火車欣賞沿途嘅眾生相，係另類嘅體驗呀！
-
住洋樓！
去東南亞嘅其中一個好處，就係可以用相宜嘅價錢租大屋住！成大班人共用同一個空間，比起喺酒店分房住熱鬧好多，有啲屋仲有埋私人泳池，鍾意玩水BBQ點都得～以下為大家精選咗兩間靚靚大屋，適合10-15個人居住：
上莊成件事真係好青春，但係如果淨係chur做而忽略咗大家chur玩嘅機會，實在太可惜。
所以話：成也莊trip，敗也莊trip。可唔可以令各位莊員玩的盡興，關係更上一層樓，就睇今次！如果你係搞手派或者係行動小隊，不妨參考吓以上資料，開始計劃吓屬於你哋支莊嘅難忘旅行啦！以下係參考Budget （10人行，五日四夜，旺季）：
| 機票（廉航） | 約港幣$2,000/人 |
| 住宿 | 約港幣$2,000/晚 x 4 =每人約港幣$800 |
| 交通 | 約港幣$200 |
| 飲食、娛樂雜費 | 約港幣$2000/人 |
| 總計 | 約港幣$5000/人 |
延伸閱讀:
【各位時尚達人係你喇！】巴黎世家 Balenciaga Communication Intern (part-time)
- 滿足不同經濟需要：交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件（學生證+身份證），毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款，0手續費0罰息
大專生很多時候急需資金周轉交學費，但政府學資處的貸款計劃又未能及時批核。因此，uFinance 根據過往同學們的良好還款紀錄，不斷簡化申請程序，申請只需「學生證+身份證」，申請成功率高達95%，全程網上快捷辦妥，貼合同學需要。
