大專生理財101

1. 1. 每手股數(Lot)

每隻股票既每手股數都唔同, 即係最少買賣數量單位, 例如:「長實」每手股數1000, 即係1手1000股, 如果每股？$100, 1手長實就要$100000啦。買賣股票時，股數切記要以每手作計算，因為如果股數數夠一手的話就會成為碎股。如果你要沽出碎股嘅話，沽出時好大可能會比現價低5-10格價位或以上，即永遠都是以較差的價格執行。不過，美股市場係可以進行碎股買賣嘅，投資者毋需以「手」數作買賣單位，而可以隨意買入唔同股數嘅股份，例如1股IBM ，或17股微軟等。

3. 2. 派息比率/每股派息（ Dividend ratio）

→ 計算方法：派息比率＝(每股股息÷每股盈利)X100%
例子，一家上市公司每賺100元，會派80元股息。派息比率料逾80%。以此為一家派息比率極高的上市公司，賺幾多派幾多，做股東當然歡迎。但高派息比率可能意味著呢隻股潛力唔大，如果將賺到嘅大部分派給股東，派息比率8 成，係一個高派息比率，但剩低只有小部分留比公司作繼續發展之用。所以，派高息雖然吸引，再投資嘅資金不多，但公司嘅發展潛力亦會因此而減少。

3. 股息收益率（Dividend Yield）

股息率，係指投資一隻股票時，每年可收返幾多股息嘅比率。
→ 計算方法：股息收益率 = 股息/ 股票買入價x 100%
如果股息率係10%嘅話，即係投資$100，每年可收股息$10。若派息率係1%，即係投資$100，每年只可收股息$1。派息率愈高，代表該公司嘅股票愈有吸引力。
所以如果股息不變，一隻股票嘅巿價愈高，計算出黎嘅派息率就會愈低；相反，股票巿價愈低，計算出來嘅派息率便會愈高。如果連續多年年度股息率超過1年期銀行存款利率，則這支股票基本可以視為收益型股票，股息率越高越吸引。

以傳統收息股中煤（003）為例：
17年12月底止年度共派息35仙，該股昨日收市報$15.4，股息率＝$0.35元/$15.4 x100%＝2.27%。

同樣係傳統收息股，中電（002）17年度共派息$2.91，該股昨日收市報$78.85，股息率＝$2.91/$78.85 x100%＝3.69%。中電嘅股息率明顯較中煤高，反映同樣成本下，買中電股息回報會高啲。所以如果買股票目的係為左收息，咁揀買入中電抑或中煤時，中電就比較抵買啦。

至於股息率怎樣才算理想，其實冇客觀標準，因為好似公用股咁，一般股息率較高，所以要同返同類行業比較。但我哋比較高息股時，除左睇公司股息率及派息比率，仲要睇公司有冇其他投資同未來業務前景，咁先可以達到財息兼收。
待續。。。